Madiha Abbas Poetry

خواباں دی گنڈاں بنی جاواں

تے ہر گنڈ نوں دواں ول ہزاراں

ایہناں گنڈاں وچ فیر کھبدی جاواں

باہر دی سجھ ہون کیویں بناواں

آپ ہی جوڑاں آپ ہی توڑاں

آپ دے اندر کھیڈی جاواں

اکھ جے کھولاں کج نا دسے

فیر خالی ہتھ ہی تکی جاواں

کیہ سمجھاں تے کیہ سمجھاواں

میں اکو ول نوں کھولی جاواں

ڈور دا سرا نا لبھے کوئی

ڈوری گنجل پائی جاواں

******

مدیحہ عباس

Be the first to comment

Leave a Reply

Your email address will not be published.


*